Өвөрхангай аймгийн Хархорин сум дахь сум дундын эрүүгийн хэргийн анхан шатны шүүх Өвөрхангай аймгийн Бат-Өлзий сумын ИТХ-ын дарга Дэлгэрийн Цэрэнтогтоход холбогдох зөрчлийн хэргийг энэ сарын 19-ний өдөр хүлээн авч 25-ны өдөр шийдвэрлэжээ.

Д.Цэрэнтогтох нь 2020 оны зургадугаар сарын 2-ны өдөр Өвөрхангай аймгийн Бат-Өлзий суманд нийтийг хамарсан урлагийн тоглолт зохион байгуулсан зөрчил гаргасан аж. Тиймээс түүнийг Зөрчлийн тухай хуулийн 17.1 дүгээр зүйлийн 16.2 /нийтийг хамарсан биеийн тамирын уралдаан, тэмцээн, баяр наадам, урлагийн тоглолт, хүлээн авалт, дайллага, цайллага, хонжворт сугалаа зохион байгуулсан, ивээн тэтгэсэн/-т зааснаар 20 сая төгрөгөөр торгож шийтгэсэн байна.