2024 онд дэлхий даяар 3.7 сая км2 газар нутаг ой, хээрийн түймэрт шатсан нь Европын холбооны нутаг дэвсгэртэй бараг дүйж байна. Коперникийн дэлхийн ажиглалтын төвийн тайланд дурдсанаар 100 сая хүн түймрийн гамшигт өртөн хохирчээ.

Ой хээрийн түймэр хэзээ ч ийм их хэмжээний газар нутгийг сүйтгэж байгаагүй тул дээрх тайлан маш их түгшүүр дагуулж буйг шинжээчид анхаарууллаа. Дэлхийн дулаарал түймрийг улам бүр нэмэгдүүлж, аймшигтай үр дагаварт хүргэж байна.

Өмнөд Америк, Канад, Калифорнид байдал хамгийн хүнд байсан. Түймэр агаар мандалд 8000 мегатонн нүүрсхүчлийн хий ялгаруулсан нь олон жилийн дунджаас бараг 10 хувиар их аж. НҮБ-ын мэдээлснээр, Амазон, Бразилийн Пантанал (тектоникийн сав газар) болон Лос Анжелесийн бүс нутагт өвлийн улиралд ч байнгын түймэртэй байжээ. 

Галын түймрийн цаг агаарын индекс нь 2025/26 онд Европ, Канад, Зүүн хойд Азид гал түймрийн аюул нэмэгдэнэ гэж таамаглаж байна.