Цахим орчинд нэгэн иргэн "Зургаахан настай нялх үрийг минь аяга, шал угааж чадахгүй байна хэмээн зодож, г...., п..... хэмээн харааж тэрийгээ бичлэг хийн надруу явуулж дарамтлах юм. Хаана хандаж, яаж тэмцэх ёстой вэ энэ хүмүүстэй" хэмээн охины зодуулж буй бичлэг, гэрийн ажил хийж буй зургийг нийтэлсэн.

Цахим орчинд бага насны хүүхэд бусдын хүчирхийлэлд автан зодуулж буй бичлэг тарж олон нийтийг бухимдуулаад байгаа билээ. Тэгвэл энэ хэргийн талаар цагдаагийн албанаас дараах мэдээллийг өглөө. 

Цагдаагийн байгууллагад 2023 оны 08 дугаар сарын 23-ны өдөр "Хан-Уул дүүргийн 9 дүгээр хорооны нутаг дэвсгэр ..... дугаар тоотод хүүхэд зодоод байна" гэх дуудлага, мэдээллийн дагуу Хан-Уул дүүргийн цагдаагийн газраас иргэн Ч, С нарын үйлдэлд холбогдох шалгалтын ажиллагааг явуулж, насанд хүрээгүй хүүхдүүдийг Түр хамгаалах байранд хамгаалалтад авах ажлыг зохион байгуулж байна.