Улсын онцгой комисс өчигдөр хуралдаж, гамшгаас хамгаалах өндөржүүлсэн бэлэн байдлын зэрэгт шилжүүлсэн хугацааг сунгах эсэхийг болон бусад хэд хэдэн цаг үеийн асуудлыг хэлэлцээд дараах шийдвэрүүдийг гаргасан. 
Шийдвэрүүдийг товч дурдвал: 
 
-Өндөржүүлсэн бэлэн байдлын зэрэгт шилжих хугацааг наймдугаар сарын 31-нийг дуусах хүртэл сунгах, 
 
-Хичээлийн жилийг есдүгээр сарын 1-нээс эхлүүлэх эсэх асуудлыг тодорхой үе шатат хувилбаруудыг танилцуулахаар болсон байна. 
 
-Наймдугаар сард татан авалт хийх нислэгийн хуваарийг баталлаа. Ирэх сард нийт 8 чиглэлд 14 удаагийн нислэгээр 3460 иргэнийг авчрах урьдчилсан тооцоо гаргажээ. Мөн нэмэлт нислэг хийх боломжийг тухайн үед нь судалж үзэх юм байна. 
 
-Ирэх сарын 1-нээс "Ногоон гарцын журам" үйлчилж эхлэхээр болж байгаа. Энэ журамд уул уурхайн экспортыг нэмэгдүүлэхээр чиглэлээр тодорхой асуудлуудыг зохицуулах заалтууд орсон. Энэ талаар өнөөдөр УУХҮЯ-наас УОК-т тогтоол гаргахаар төсөл оруулсан аж. Энэ асуудлыг хэлэлцсэний дараа Засгийн газарт оруулж, ингэснээр уул уурхайн бүтээгдэхүүний экспорт мэдэгдэхүйц нэмэгдэнэ гэж үзжээ.

Дээрх асуудлуудыг өнөөдөр Засгийн газрын хуралдаанаар эцэслэн шийдвэрлэх юм.