“Автобус-3” НӨҮГ-ын барилгыг 20.02 тэрбум төгрөгөөр хувьчилжээ
Нийслэлийн Өмч хувьчлах комисс саяхан буюу өнгөрөгч тавдугаар сарын 15-ны өдөр хуралдаж хуучнаар “Автобус-3” нийслэлийн өмчит үйлдвэрийн газрын барилга байгууламжийг хувьчлахаар шийдвэрлэсэн. Тус барилга байгууламж нь 1969 онд ашиглалтад орж байсан.
Хурлын шийдвэрийн дагуу энэ сарын 03-ны өдөр “Нийслэлийн өмч хувьчлал-2020” дуудлага худалдааг зохион байгуулжээ. Тус дуудлага худалдаанд гурван аж ахуй нэгж байгууллага оролцсон бөгөөд дуудлага худалдааны доод үнэ 15.8 тэрбум төгрөгөөр үнэлэгдэж, эхэлсэн бөгөөд 20.02 тэрбум төгрөгөөр үнэ өсгөж “Камдер ХХК” дуудлага худалдааны ялагч болжээ.
Харин өчигдөр “Камдер ХХК” нь нийслэлийн Өмчийн ашиглалт, удирдлагын газартай худалдах, худалдан авах гэрээгээ байгуулж гарын үсэг зурсан байна.
www.kingnews.mn