Дэлхийн шүүхийн мэтгэлцээний тэмцээний шүүгчээр ШЕЗ-ийн Гүйцэтгэх нарийн бичгийн дарга Р.Батрагчаа ажиллаж байна

280
 Дэлхийн шүүхийн мэтгэлцээний аварга шалгаруулах “Jessup Cup” тэмцээн АНУ-ын Вашингтон хотноо энэ сарын 08-15-ны өдрүүдэд болж байна.
 

 
           Олон улсын хуулийн оюутнуудын холбоо, Олон улсын баарын холбоо болон АНУ-ын баарын холбоотой хамтран зохион байгуулдаг дэлхийн аварга шалгаруулах “Jessup Cup” тэмцээнд Шүүхийн ерөнхий зөвлөлийн Гүйцэтгэх нарийн бичгийн дарга Р.Батрагчаа шүүгчээр оролцож байгаа юм. Тэрээр 2011 оноос тус тэмцээнд шүүгчээр ажилласан туршлагатай. Энэ жил дэлхийн 100 гаруй орны 700 гаруй хуулийн сургууль оролцож байгаагийн дотор Монголын баг анх удаа оролцож байгаагаараа онцлог юм.
 
    
 
            Филип Жессапын нэрэмжит энэхүү тэмцээнд МУИС-ийн Хууль зүйн сургууль Монгол Улсыг төлөөлөн оролцож байна. Тус тэмцээнийг дэлхийн олон оронд үйл ажиллагаагаа явуулдаг “White case” хэмээх олон улсын хуулийн фирм санхүүжүүлдэг бөгөөд анх НҮБ-ын Олон улсын шүүхийн шүүгч Филип Жессап 1960 онд санаачлан зохион байгуулсан түүхтэй.
 

 
            Үүнээс хойш жил бүр уламжлал болгон зохион байгуулж ирсэн бөгөөд дэлхийн хэмжээний нэр хүндтэй тэмцээн болж өргөжсөн юм. Тус тэмцээнд түрүүлсэн оюутнууд нь олон улсад өндрөөр үнэлэгдээд зогсохгүй дэлхийн хэмжээний томоохон хуулийн фирмүүд болон олон улсын байгууллагуудад урилгаар ажилладаг байна.
 

 

 
скачать dle 12.0
Санал болгох
Сэтгэгдэл
АНХААРУУЛГА: Уншигчдын бичсэн сэтгэгдэлд www.WEBS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.