ШУУРХАЙ: М.Уранцэцэг өчих мэхээр цэвэр яллаа
Өнөөдөр Бүдокан ордонд олимпын жүдо бөхийн тэмцээн эхэллээ. Эмэгтэйчүүдийн 48 кг-ийн жинд М.Уранцэцэг эхний тойрогт хийлж, хоёрдугаар тойрогт Чилийн Варгас Лейтэй таарсан. Варгас 2019 оны Панамерикийн наадмын хүрэл медальт, 2021 оны Панамерикийн АШТ-ий аварга бөх. Хоорондын барилдааны харьцаа 1:0 манай бөх тэргүүлж байгаа.
Барилдаан эхлээд л манай бөх санаачилгыг авч, барилдааныг хэвтээд шилжүүлсэн. Хэвтээд хэн нь илүү вэ гэдгээ үзүүлж, өчих мэхээр яллаа. Гурав дахь өчилтөөр чили тамирчин дэвжээ цохин, бууж өгсөн юм.
www.saihan.mn