Өчигдөр буюу 1-р сарын 30-нд Хятадын Худалдааны Яамнаас үйлчилгээний салбарын тоо баримтыг дэлгэжээ. Үүнээс харвал 2022 онд Хятадын үйлчилгээний салбар тогтвортой өсөлтөө хадгалсан байна. Үйлчилгээний салбарын импорт экспортын хэмжээ 5 их наяд 980 тэрбум 190 сая юаньд хүрч өнгөрсөн оны мөн үеэс 12.9 хувь өсчээ. Үүнийг дотор нь задалж үзвэл экспорт 2 их наяд 852 тэрбум 240 сая юаньд хүрч 12.1 хувь өссөн байна. Харин импорт 3 их наяд 127 тэрбум 95 сая юань болж, 13.5 хувиар нэмэгджээ.

Мөн  мэдлэг шингэсэн үйлчилгээний салбар өсөлтөө тогтвортой хадгалсан байна. Энэ чиглэлийн импорт экспортын хэмжээ 2022 онд 2 их наяд 506 тэрбум 850 сая юаньд хүрч, 7.8 хувиар нэмэгдэв. Экспорт нь 1 их наяд 416 тэрбум болж 12.2 хувь өсчээ. Өсөлттэй салбаруудад оюуны өмчийн төлбөр, харилцаа холбоо, мэдээллийн үйлчилгээ орж байна. Уг салбарын  импорт 1 их наяд 90 тэрбум 770 сая болж 2.6 хувь нэмэгдлээ. Мөн даатгалын салбар өсөлтөө хадгалж 35.8 хувьд хүрсэн байна.