Төрийн байгуулалтын байнгын хорооны даргаар УИХ-ын гишүүн Б.Жавхланг сонголоо
Улсын Их Хурлын Төрийн байгуулалтын байнгын хороо өнөөдөр/2026.04.22/ хуралдлаа. Хуралдаанаар Байнгын хорооны даргыг сонгох тухай асуудлыг хэлэлцэн шийдвэрлэв.
УИХ дахь МАН-ын бүлгээс Байнгын хорооны даргад УИХ-ын гишүүн Б.Жавхлангийн нэрийг дэвшүүлж, хуралдаанд оролцсон гишүүдийн 81 хувь нь дэмжжээ.
Ийн УИХ-ын гишүүн Б.Жавхланг Төрийн байгуулалтын байнгын хорооны даргаар сонгохыг дэмжиж, Байнгын хорооны санал, дүгнэлтийг чуулганы нэгдсэн хуралдаанд танилцуулахаар тогтов.
Эх сурвалж: Улсын Их хурлын Хэвлэл мэдээлэл, олон нийттэй харилцах газар