"Оюутан цэрэг" хөтөлбөрийн бүртгэлийн хүсэлтийг энэ сарын 01-ний 09:00 цагаас хүлээн авсан. Тус бүртгэл энэ сарын 11-ний 17:00 цагийн хооронд хүлээн аваад хаагдаж буй.

Хүсэлтийг "E-Mongolia" гар утасны аппликэйшн, www.e-mongolia.mn, Төрийн үйлчилгээний "Хурдан" төвийн оператораар дамжуулан илгээх боломжтой.

"Оюутан цэрэг" хөтөлбөрт бүртгүүлэх оюутнууд дараах шаардлагыг хангасан байна!

• Улаанбаатар,  орон нутаг дахь магадлан итгэмжлэгдсэн их, дээд сургуулийн бакалаврын нэгдүгээр дамжааны оюутан байх
• Сурлагын голч дүн 2.8-аас дээш байх
• 2024 оны зургаадугаар сарын 15-ны өдрөөс өмнө 18 нас хүрсэн байх
• Эрүүл мэндийн даатгал төлсөн байх

Коллеж, МСҮТ-үүдэд суралцагчид заавал аймаг, дүүргийнхээ ЗДТГ-ын Цэргийн штабт очиж бүртгүүлээрэй гэж Цахим хөгжил, харилцаа холбооны яам, Монгол Улсын Батлан хамгаалах яамнаас мэдээлж байсан юм.