Ардын уран зохиолч, Төрийн шагналт, Соёлын гавъяат зүтгэлтэн Б.Лхагвасүрэнгийн “Тамгагүй төр” драмын жүжиг "Монгол хаан" нэртэйгээр Лондон хотод нээлтээ хийлээ.

Монгол жүжигчид, уран бүтээлчдийн нөр их хөдөлмөр, хичээл зүтгэлээр Монгол хүний оюуны бүтээл ийнхүү дэлхийн тайзан дээр амилж, 2400 хүний суудалтай, алдарт Колицеум театрыг дүүргэсэн үзэгчдид амьсгаа даран үзэж, жүжгийн ээдрээтэй үйл явдалын мөрөөр монгол хөөмийн, бөө мөргөл, хүүхэлдэйн жүжиг, уран нугаралтын үзүүлбэр, бөхийн барилдаанаар баяжуулсан гайхамшгийн ертөнцөд нэгэн оройг өнгөрүүллээ.