Сонгуулийн ерөнхий хороо (СЕХ)-ны дарга П.Дэлгэрнаран өчигдөр /2023.6.08/ хэвлэлийнхэнд мэдээлэл өгчээ. 

Тэрбээр "Зарим санал тоолох хар машины ашиглалтын хугацаа нь дууссан. Харин өнөөдрийн байдлаар 2243 санал тоолох хар машин хэвийн ажиллаж байна. Ерөнхийлөгчийн 2021 оны сонгуулиар худалдаж авсан 250 төхөөрөмж шинээрээ байгаа бол 200 гаруй төхөөрөмжийг устгах шаардлагатай байна. Ирэх 2024 оны сонгуулиар урьдчилсан байдлаар сонгогчдын тоо нэлээн өсөхөөр байна. Хэсгийн хороодын тоо ч өсөхөөр байгаа юм. Хэсгийн хороо нэмэгдэнэ гэдэг нь төхөөрөмжийн тоо нэмэгдэнэ гэсэн үг. Төхөөрөмж хуучин байсан нь хүрэлцээгүй болж байгаа. Тоо ширхгийг хувьд дутаж байгаа юм. Тиймээс  Төсвийн тодотголд хүсэлт тавьж 500 гаруй төхөөрөмжийг нэмж авахаар тооцоолж байна. Нийт 15 тэрбум төгрөг шаардлагатай байгаа юм" гэх мэдээллийг өгсөн байна.