УИХ-ын дарга Г.Занданшатар 8-р сарын 25-нд тушаал гарган, УИХ-ын даргын Жижиг дунд үйлдвэрлэл, хөдөө аж, ахуй хариуцсан орон тооны бус зөвлөхөөр Магваны Билэгтийг томилжээ. Магваны Билэгт нь Барилгын техникум, Намын дээд сургууль, Удирдлагын академи төгссөн.  Улсын Геодези, Зураг Зүйн Газарт техникч, ХЗЭ-ийн даргаар ажиллаж байгаад 1990 оноос хойш бизнес эрхэлсэн байна.

 

Тэрээр УИХ-ын гишүүнээр сонгогдон, 2016-2020 онд ажиллаж, өөрийн хэлсэн "Өвөл болохоор хүйтэн болдог", "шодорго ёс шодорго ёс" гэсэн өвөрмөц үг болон дөрвөн жилийн туршид чуулганы хуралдааныг нэг ч таслаагүй суусан зэргээрээ олонд танигдсан нэгэн билээ.