БЗД-ийн 20-р хороонд байрлах “Жаргалан эдлэн” ТББ-ыг жирийн нэгэн малчны гэр бүл байгуулж, асрамж халамжийн чиглэлээр үйл ажиллагаагаа явуулж байна.

Тус ТББ нь БЗД-ийн Орон гэргүй хөгжлийн бэрхшээлтэй иргэн, өөрийн гэсэн үр хүүхэдгүй ахмад, харвалт эрүүл мэндийн шалтгаантай  иргэдийг байршуулан асрамжлан, халамжилж амьдруулдаг. Төрөөс ямарваа нэгэн дэмжлэг авдаггүй байгууллага юм.

Одоогийн байдлаар 15 иргэн байгаагаас 12 иргэн нь  Нийгмийн хөгжлийн хэлтсээр дамжин холбогдож байршсан байна. Сардаа нэг удаа ОУ-ын болон ТББ мөн хувь иргэдээс дэмжлэг аван эргэж очдог. Өнөөдөр дүүргийн ЗДТГ-ын Нийгмийн хөгжлийн хэлтэс болон “Дезерет” ОУ-ын байгууллага, Есүс Христийн Хожмын Үеийн Гэгээнтнүүдийн Сүмийн Шар хантаазтай сайн дурын залуус тус байгууллагад очиж нэг өдрийг өнгөрүүллээ.

Сайн дурынхан ахмадуудад өөрсдийн гараар оёсон хантааз, хөнжил болон дулаан хувцас, хүнс, ахуйн хэрэгсэл, ном зэрэг нэн шаардлагатай  багц бүтээгдэхүүнийг өгч, түлээ мод нөөцлөх, их цэвэрлэгээний ажлыг хийж гүйцэтгэсэн юм.