Голомт банкнаас ''Оюу Толгой'' ХХК- ийн ханган нийлүүлэгчдэд зориулан уян хатан, таатай нөхцөл бүхий зээлийн гэрээг шинэчлэн байгууллаа

532


Голомт банк 2015 оноос ханган нийлүүлэлтийн сүлжээний санхүүжилтийн бүтээгдэхүүнийг санаачлан, дэлхийн томоохон төсөл хөтөлбөр болох зэсийн баяжмал олборлогч “Оюу Толгой” ХХК-тай хамтран тус төсөлд оролцож буй 860 гаруй байгууллага, тэр дундаа 550 гаруй үндэсний компанийн 13,000 гаруй залуусыг дэмжин ажиллаж байна.

“Оюу Толгой” ХХК-тай хамтын ажиллагаагаа бид үргэлжлүүлэн өргөжүүлж, зээлийн нөхцөлийг ханган нийлүүлэгчдэд илүү уян хатан, таатай болгон шинэчлэн сунгах гарын үсэг зурах ёслол энэ сарын 09-ний өдөр амжилттай болж өнгөрлөө. 

Үүсээд буй хорио цээрийн дэглэмийн үед биечлэн уулзах боломжгүй ч нөхцөл байдалд уялдуулан хамтын ажиллагааны гэрээг цахим хэлбэрээр амжилттай зохион байгууллаа. 

COVID-19 цар тахал гарснаар эдийн засгийн эрсдэл бий болж, ААН-үүд шинэ сорилттой тулгараад буй энэ цагт энэхүү гэрээнүүдийг шинэчлэн байгуулснаар “Оюу толгой” ХХК-ийн ханган нийлүүлэгчид богино хугацаанд өрсөлдөхүйц хүүтэй зээлийн санхүүжилтийг үргэлжлүүлэн Голомт банкаар авах боломж бүрдэж байна. 

Түүнчлэн бүтээгдэхүүн, үйлчилгээний нийлүүлэлтээ үргэлжлүүлэн тогтвортой хүргэхээс гадна ханган нийлүүлэгч компаниуд болон тэдгээрийн ажилтнуудын хувьд санхүүгийн тогтвортой байдлаа хадгалахад дэмжлэг болно гэж бид найдаж байна.
скачать dle 12.0
Санал болгох
Сэтгэгдэл
АНХААРУУЛГА: Уншигчдын бичсэн сэтгэгдэлд www.WEBS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.