Газрын тосны үнэ дахин буурч эхэллээ

62
Дэлхийн зах зээл дээр газрын тосны үнэ хоёр орчим хувиар дахин буурчээ. Brent маркийн газрын тосны есдүгээр сарын фьючерс үнэ 1.78 хувиар буурч, нэг баррель нь 41.96 ам.доллар болсон бол WTI газрын тосны фьючерс үнэ 2.09 хувиар унаж, нэг баррель нь 39.26 ам.доллар болж буурчээ.

Эрчим хүчний түүхий эдийн үнийн мэдээллийн “S&P Global Platts” платфомын шинжээчдийн таамгаас үзвэл, коронавирусний халдварын тархалт нэмэгдсэнээс үүдэн эдийн засгийн шинэ хязгаарлалт нэвтрүүлэхээс болгоомжилж буйтай холбогдуулан газрын тосны үнэ буурч байна. Халдварын тархалт нэмэгдэж буй АНУ-ын Калифорни муж, Филиппин, Хонконг, Австралид дахин хорио цээрийн дэглэм тогтоогоод байна.

Газрын тосны зах зээл дээрх үнэ ОПЕК+ уулзалтын оролцогчид нэгдсэн шийдвэрт хүрч чадаагүйтэй холбоотой өнгөрсөн гуравдугаар сарын 6-наас эхэлж хэлбэлзэж эхэлсэн билээ. Тухайн үед газрын тосны үнэ 30 хувиар унасан. Тавдугаар сард байгуулсан ОПЕК+ бүлгийн гэрээгээр оролцогчид таваас зургаадугаар сарын хооронд хоногт газрын тосны олборлолтын хэмжээг 9.7 сая баррелиар, жилийн хоёр дахь хагаст 7.7 сая баррелиар, 2022 оны дөрөвдүгээр сарын хүртэл 5.8 сая баррелиар бууруулах тохиролцоонд хүрсэн билээ. Үүний дараа газрын тосны үнэ өсөж эхэлсэн юм.
Эх сурвалж: bloomberg

скачать dle 12.0
Санал болгох
Сэтгэгдэл
АНХААРУУЛГА: Уншигчдын бичсэн сэтгэгдэлд www.WEBS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.